Na, du gehst heid ned aussi.
I muass aussi, heid is Dreikönig, i muass a Gäid sammeln für die Kinder in Afrika.
Na, es is Corona, du bleibst doham.
Oba mir miassn doch sammeln!
Du losst doch eh die Buam des Gäid eisacken und trinkst ollaweil nur den Obstler.
Die Buam kenna doch koan Obstler tringa, die san erst zwäiwe!
Und du bist Dreiavierzig und gehst umanond wia der Kasper vom Dienst!
I bin der Melchior, ned der Kasper!
Kummst du dir ned bled vor? Und singa konnst a ned!
Für denne reichts. Jetzt geh auf‘d Seitn, i muas los.
Und wo ist dei Kasper-Gwand? Und der blede Stern?
Zefix! Letztes Jahr hab i‘s doch noch ghabt!
Wo host es denn auszong?
Im Wirtshaus, danooch.
Des Wirtshaus is zua.
Dann nimm i hoid des.
Des Niklaus-Gwand?
Des is den Kindern in Afrika doch wurscht, ob der Niklaus des Gäid hoid oder der Melchior.
Wennst wenigstens dei Gsicht schwoaz ohmoin tatst!
Na, des geht ned. Des hod der Pfarrer verboten wega die Kinder in Afrika, die meng des ned.
Is des so?
Jo. Mir genga dies Johr olle ois Schinäsen.
(Weimar, 6. Januar 2021)
(Foto: Amazon, „Playmobil 9497 Spielzeug – Heilige Drei Könige Unisex-Kinder“)